Ka Meghalaya State Legal Services Authority (MSLSA) ynne da pynman ko ya ka Webinar kam chibynta yong ka Child Labour Day hajrong ka phang “Child Labour Pre and Post Covid-19 Pandemic” wow pynsñiawthooh ya ki kaam wa yatoh wei pynkhih yabor ya ki khynnah deiwa ngam yillu ya i ieh skur chiteiñ por, i pynkreh yabor, i yoh kurim dang khian wa kiwi kiwi ki kaam pyrchah ya ki khynnah wa ye u mih na i em ka khlam COVID-19.
Ha kani ka sngi neiliang u NA Khan, Member Secretary MSLSA cum District and Session Judge da pyntip u wa ka sngi World Day Against Child Labour 2021 toh hajrong ka “Act Now and Child Labour” neibhah wa ka khlam COVID-19 da yah ko ya kiwa boon ki manyung cha i dooh i duk.
Da ong u leh wa kam chibynta wow man ki bru kiwa em i kitkhlieh ha ka imlang sahlang emkaam wow pynyaar yei thij i pyrkhat katkam wa yah i por deiwa kdaw u leh ya ka riti synchaar ka ri kawa kdaw ya ki kyndon wa em i hok ki khynnah heiwa iwi na ki klam i hajrong wow khang yei pynkreh yabor ya ki khynnah kiwa hapoh 14 snem khnang wow pyntikna wa heh san ki kam kiwi tawon ki khynnah.
U Khan da kdaw u leh yei khih i kreh ki khynnah neidaw wa em ka khlam iwa da pyntlot ya i thong krehkaam ka sorkar pyrdi deiwa ban joor u leh ya i emkaam wow pynchlur ya ki khynnah wow lai skur biang ki wow pynchlur wow neh ki ha ki skur, wow wailad wow yoh kreh ki manda heh, wa i pynkrehkaam biang ya kiwi kiwi ki Programme ka sorkar kamjooh wow pynjoor yei pynsñiawthooh hajrong i emkaam ya i puræ puthi.
Kiwi kiwa da klam ha kani ka sngi toh u PT Blah, Deputy Labour Commissioner, East Khasi Hills, Shillong uwa da klam hajrong ka Child Labour in Meghalaya; u Dr. Andrew, Director DIESEL uwa da klam hajrong ka ‘Impact of Covid-19 Pandemic on school children and the responsibility of the Education Department to make sure that children will not leave school’; ka Hasina Kharbhih, Director Impulse kawa da klam hajrong ka phang ‘Understanding Child Labour Issues’; ka Matti Warjri, DCPO kawa klam hajrong ki kaam yarap wa e ka chnat ya ki manyung wa ki khynnah lyngba ka Social Protection Measure wa u Deepak Kumar Palecha, AIG (L&O) uwa da klam hajrong ka ‘Police in Child Labour and increase in child trafficking as an impact of Covid 19 pandemic’.
