• About Us
  • Contact Us
  • Privacy Policy
  • Advertise With Us
  • Terms & Conditions
Tuesday, May 13, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home Uncategorized

Da pynman ya i pynche hajrong i emkaam wow wai Bank Account ya kiwa chet ja sngi hapoh ka MDM Scheme ka sorkar

Wyrta Staff by Wyrta Staff
January 21, 2020
Reading Time: 5 mins read
A A
0
Share on FacebookShare on Twitter

Ka All Jaiñtia Mid Day Meal Workers Union chirup wa i krehlang wa ka yung krehkaam u Sub Divisional School Education I/c MDM Scheme, ka Branch Manager, Meghalaya Co Operative Apex Bank Ltd Jowai Branch wa ka Seva Bharati Meghalaya ynne ka sngi da pynman ki ya ka yalang pynche hajrong ka MDM Scheme wa ka Saving Bank Account ha Yungwalieh ka Loompyrdi Iongpiah, Jowai. 

Ha kani ka yalang u Longda Bamon uwa pynkreh ya ka MDM Scheme lyngba ka yungkrehkaam SDSEO, West Jaiñtia Hills District da wan pynche u hajrong ka Mid Day Meal Scheme wa khamtam wow rap yoh myntoi ki wakreh kam kiwa chet ja sngi toh u yaleh ki u pynbiang noh da ki Bank Account kiwa biang khnang yow suk ki Head Teacher u pynpsiah ya ka poisa næ ka Honourium ha kini ki Account, iwa da yooluti wow sdang pynkrehkam noh nadooh u Thohlakhmi (February) 2020. 

Hadien ini da em i kylli pynche na wa i pachat yumut khnang wow pynjanai chooh chooh ya i rukom pynkrehkaam ya kani ka Scheme. 

Ha kani ka yalang ka O. Lato kawa man ka Branch Manager ka MCAB, Jowai Branch kawa da batai pynche hajrong ki kot kiwa emkaam kiwa ye u wai ya ki Saving Bank Account. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh ha kani ka yalang u Damut Dkhar da batai pynche u hajrong i rukomg krehkaam ka seiñ Seva Bharati Meghalaya ha ki bynta i chait i khiah, ka puræ puthi wa ha ka imlang sahlang wa khamtam hajrong ki yurim yong ka seiñ wow chakri para bru. Kamtæ ka seiñ da e sñiawbha ko 20 tylli ki Muna kot skur, 40 tylli ki kot-thoh (Copy), 20 tylli ki let (Pencil), ki yutyumpleh-dak (Eraser) wa ki yuliar (Scale) ha ki kti u K.L Pariat uwa man u Preisdent ka All Jaiñtia Muster Roll Workers and Labour Union, Seiñbei heiwa ya kini ki tiar da yoh u saam cha ki  20 ngut ki khynnah skur kiwa wan na ki manyung kiwa duna wa tymbuiñ kam na Mihmyntdu, Lad Mukhla, Sohmynting, Wahïajer, Ialong, Jowai, Mynso wa kiwi kiwi. 

Kiwa chet-ja sngi namo ki MDM Cooks da yoh ki leh u wai ya ki Saving Bank Account ha ka MCAB ha kani hi ka sngi kam wow pteiñ yeiwa dadep pynman ha ka 8 tarik uni u bnai ha Lad Mukhla neibynta ka Thadlaskein C&RD Block wa da pynman da ka seiñ AJMRWLU-Thadlaskein C&RD Block. 

Ka chnat ka seiñ na Laskein C&RD Block chirup i krehkaam wa ka MCAB daw pynman ki ya i wai Saving Bank Account ya kiwa chet ja sngi ha ka 27 tarik uni u bnai nadooh 09:00 waje i step ha Dorbar Chnong Raliang. 

Ya kani ka yalang da pynlai da u K.L Pariat, President ka All Jaiñtia Muster Roll Workers Labour Union, seiñbei ha i emlang ka N. Toi, Genl. Secy. ka seiñ wa kiwa kitkaam ka seiñ na ka chnat Laskein, Amlarem Civil Sub-division wa na Thadlaskein.

ShareTweetSendShare
Previous Post

Mynsoo u PSO u AL Hek hadien wa bakla siat u pyn-ya-oo hi da ka pistol

Next Post

Jop ka Bhutan yaka Meghalaya haka U-17 FIFA Friendly

Next Post

Jop ka Bhutan yaka Meghalaya haka U-17 FIFA Friendly

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar