Ka District Legal Services Authority (DLSA), East Jaiñtia Hills District chirup wa ka yung krehkaam u Superintendent of Police, East Jaiñtia Hills District ynne da pynman ki ya ka esikai neibynta ki sahep pulit yong ka chnat ha Conference Hall ka yung krehkaam u Superintendent of Police, East Jaiñtia Hills District.
Ya ka esikai da pynlai da u D.S Marbaniang, CJM cum Secretary, District Legal Services Authority (DLSA), East Jaiñtia Hills District.
Ki sahep pulit wa kynthup ya ki In-charge wa ki Investigating Officer da yoh pynche ki ha kiwa boon ki kaam khamtam kammon wow pynman ya ka takit, i chngaaiñ ki sarok katkam ka aiñ Motor Vehicle Act, 1988, i emkaam Legal Clinic and Support Center hapoh ka District wa i emkaam wow booh ya ka Legal Aid Counsel (LAC), Para Legal Volunteers (PLV) ha ki Police Station, Police Outpost wa Police Patrol Post wow pynche pynsñiawthooh hajrong ki aiñ wa ki hok ki bru samen.
Ki bru chemphang ha kani ka sngi toh ka District and Session Judge, East Jaiñtia Hill District, ka G. Ranee, u Superintendent of Police, East Jaintia Hills District, u Jagpal Singh Dhanoa, u R. Jana Nongbet, Public Prosecutor, Inspector HR Diengdoh, CI(S), Khliehriat wa u S. Pdang, Legal Aid Counsel.
