Ka Dorbar Chnong Mukhla Nongrim da pynman ko ya i pynkhooid chnong ynnin ka 1 tarik hapoh i yahkhmat u waheh chnong wa u Secretary chnong.
Neiliang kiwa chong chnong da mih paidbah ki wow pynkhooid ya ka chnong kam i dak wow lehkmen ya ka sngikha u Mahatma Gandhi kawa toh u man ha ka 2 tarik uni u bnai.
Ha i pynkhooid da leh ha ki sarok wa ki luti lai kjat kamjooh leh ya ki thaw sait-that ka chnong wei da wan chimbynta leh da ki waheh wasian ka chnong kamjooh ka bru kawa heh dooh ha ka chnong, ka Miket Blah kawa jooh man leh kam kawa sikai nachwa.
Ya i pynkhooid da pynman ha yung krehkaam ka chnong kamjooh ka Dorbar Hall ka chnong wei chwa ini da yoh i klam na u Waheh Chnong u B. Suna, u Secretary Chnong, u S. Sari wei da chimbynta leh da ka Village Organization (VO) Mukhla Nongrim wa ki dkhot ka Mukhla Nongrim Sport Club wa ki seiñ manbei.
