Ynne ka sngi kawa man ka sngikha u Mahatma Gandhi ya kawa da tip leh kam ka Gandhi Jayanti, da pynman ya i pynkhooid wa i thung dieñ kamjooh leh i e tika yada COVID-19 hapoh ka District Prison Jowai.
Ha kani ka sngi neiliang ki wakreh ka patok hapoh i yahkhmat u Superintendent ka Prison, u Union Kyndiah, u Batskhem Nongbri kam u Jailor, ki pulit Battalion, ki Head Warder, ki Warder da pynman ya i pynkhooid ya ka patok wa i thung dieñ ha talawiar kani ka thaw.
Heipor kamwa 11:00 i step da pynman ya i e tika neibynta kiwa chah kset ha kani ka patok heiwa da e ya ka Second Dose ya ki koidi warim wa ka First Dose ya kiwa dang wan thymme.
Hawa e ya i tika da emlang ka Dr. Myria Syngkon, DIO West Jaiñtia Hills, Dr. Defender Pariat, Sr. Medical and Health Officer, District Prison Jowai, u W. Passah, Pharmacist, u Alex Iamram, Medical Attendant wa kiwi kiwi ki wakreh na ka chnat i chait i khiah ka jylla.
