Jowai: Kam chi bynta ka Swachhata Hi Seva Campaign da pynman ya ka pynkhooid chnong ha Jowai hei ya krehlang ka Jowai Municipal Board wa ki bor District heiwa da pynkhooid ya ka Iawmusiang ynne ka sngi.
Ya ka pynkhooid Iawmusiang da sdang nadooh 8 waje i step hei emlang u Deputy Commissioner u LSN Dykes Garod, u Superintendent of Police Lakador Syiem, u Puramon Kynjing Dolloi ka Elaka Jowai, ki dkhot ka Seiñ Raij Jowai, kiwa chong dai dukan, kiwa chong chnong ka Iawmusiang wei neiliang ka Seiñ Raij Jowai da e ko T. 5000 neibynta kani ka pynkhooid chnong.
Neiliang u DC da ban joor u yei emkaam wow man kiwa lehkhooid wei da kyntu u ya ki paidbah wow man kiwa lehkhooid khamtam ha ki yaaw ki hat kamjooh leh ha ka chnong waroh kawi.
Ha kani ka jooh ka sngi ka District Legal Service Authority (DLSA) deiwa ya krehlang waka yung krehkaam u Superintendent of Police da pynman ki ya ka pynkhooid ya ka Iawthymme wa em ha Lad Stadium, Ladthadlaboh, Jowai. Ka DLSA ha uni snem dadep ko leh u pynman ya kiwa boon ki pynkhooid chnong wa i pynsñiawthooh paidbah yei emkaam wow man kiwa lehkhooid neibynta i bha ka mynried.
Ynne ka sngi da em leh kiwa boon ki dong ka chnong Jowai kiwa pynman ya ka pynkhooid chnong.
Discussion about this post