Jowai: Ka State Commission for Protection of Child Rights (SCPCR), Shillong hei ya krehlang waka National Commission for Protection of Child Rights (NCPCR) deilang wa ka District Child Protection Unit, West Jaiñtia Hills District ynnin ka sngi da pynman ki ya ka yalang pynsñiawthooh ya ki manbei manpa, kiwa sikai, ki khynnah skur heiyatoh wa i hok ki khynnah, ki aiñ Protection of Children from Sexual Offences (POCSCO) Act 2012, Juvenile Justice Act 2015 wa ka Right to Education (RTE) Act ha Lumchyrmang Community Hall, Mihmyntdu.
U D.M. Wallang, Additional Deputy Commissioner uwa da man kam u kongsan ha kani ka sngi da sneiñ u ya ki manbei manpa, kiwa sikai wa emkaam ki wow pynlut por wa ki khynnah yow sñiawthooh yei rukom pyrkhat yow suk leh wow sikai ki hanlada ha yung namo ha skur yow lait ki leh u embynta ha ki kaam wa man pyrchah ya ka imlang sahlang.
Da pynchlur u leh ya ki khynnah skur wow im deiwa leh ya ki kaam wa bha wei wow yait na waroh ki pynchoi yow leh yei kaam wa sih “Hawa im i daw tyngkhooh wa ki moo chynthut kiwa haap i wow jop, yow ye u leh ya ini emkaam wow pynman ya i jabieñ yong i kam i kpær wa dap da ki syntu wa miat wa phooh.”
Ka Meena Kharkongor, Chairperson SCPCR da klam ko ya ka aiñ Prohibition of Child marriage Act, 2006 waka aiñ POSCO Act 2012 heiwa da pynsniawthooh ko leh ya ki khynnah yei maa wa mih na ki chongkha hawa dang khian.
Chaphang ka aiñ Right to Education Act, 2009, Juvenile Justice Act, 2015 wa ka Child Rights, kammon wow kreh manda em ki kaam wa chah tba kti khlem akor da klam da kiwa mihkhmat na ka tnat puræ puthi wa ka Dr. S.D. Sumer, Gynecologist, Civil Hospital, Ialong.
Discussion about this post