Jowai: Ka yungkrehkaam ka District Medical & Health Officer, West Jaiñtia Hills District, Jowai ha kani ka 3 tarik uni u bnai da pynman ko ya ka 1st District Task Force Meeting hajrong ka Measles-Rubella Vaccination Campaign (MRVC) ha Conference Room ka yung krehkaam u Deputy Commissioner, Jowai.
Ha kani ka yalang da em ki heh na ki tnat waphær waphær kam ka Health Office, School Education Office, Social Welfare, Police Department, District Informatics Officer, u Dolloi ka Elaka Jowai, President Synjuk ki Rangbah Shnong, ki heh niam wa kiwi kiwi.
U DC ka District, u R. Rapthap da kyntu u ya waroh kiwa em ha kani ka yalang wow em ki ka bahkhlieh hajrong kani ka Measles-Rubella Vaccination Campaign. Heiwa da kyntu u leh wow e i kyrchaan wa pura ya kiwa kreh khnang wa kani ka kaam u man ko kawa jop.
U District Medical Health Officer, Jowai Dr. S.S Nongbri, da batai u chaphang kani ka Campaign ka wow yohmyntoi 1.4 lak ngut ki khynnah kiwa hapyrdi 9 bnai wa 15 snem ka wow sdang nadooh u Naikhynde 2018.
Kiwi ki sahep kiwa da batai hajrong kani ka kaam toh Dr. V.J. Laloo, District MCH Officer, Dr. H.J. Uriah, District Surveillance Officer wa u Dr. Sharad Babu, Rapid Respond Team, World Health Organisation kiwa da batai chaphang kani ka kjut
Discussion about this post