Shillong: Ka 21st General Body Meeting yong ka Meghalaya Veterinary Services Association (MVSA) da pynman ya ka ha Conference Hall, Directorate of AH & Veterinary, Shillong heiwa u symbood montri rangbah ka jylla, uwa pait leh ya ka chnat AH & Veterinary Department, u Prestone Tynsong da man u kam u kongsan.
U Prestone hawa e yei klam da pachat u yei emkaam wa ki Doctor wa thymme ka chnat emkaam ki wow lai ym duna 3 bnai ka esikai ha MATI wow pynjanai ki yei rukom kreh yong ki. Da kyntu u leh ya ka chnat wow chimkhia wow pyntikna wa yoh myntoi ki bru nadooh na thaw rep khamtam ha ki thaaiñ nongkyndong.
Neiliang u Additional Chief Secretary to the Government of Meghalaya I/c AH & Veterinary Department, u K. N. Kumar da pyntip u wa du 15% donhi i thaw hapoh jylla man i iwa ye u rep (Cultivable) iwa ban ya ki warep ha kiwa boon ki bynta deiwa pynrap leh yei emkaam wow krehlang chirup wa kiwi ki chnat.
Kiwi kiwa da em ha kani ka yalang toh u Director, AH & Veterinary Department, Dr. C. Shilla, President, MVSA, Dr. K. B. Sahkhar wa u General Secretary, MVSA, Dr. B. S. Langbang.
Discussion about this post