Tura: Ka 2nd Annual General Meeting yong ka National Health Mission Employees Association (NHMEA) da pynman ya ka ha kani ka 30 Naiynru ha District Auditorium, Tura.
Ha kani ka yalang da wan chimbynta da kiwa kreh hapoh yong ka National Health Mission hapoh ka jylla Meghalaya heiwa kiwa chimbynta kiwa em palat 600 ngut na ki 11 District ka jylla da chimbynta chongchit ki.
Ha kani ka yalang u Johnson Nongbet da pynsñiaw u ya ka bui krehkaam wa chi snem namo ka Annual Report yong ka NHEAM. Ka Financial Report da puræ da u Kmenbhalang Khongwir uwa man kam u Vice President ka seiñ. Da yaklam leh hajrong kiwa boon ki phang wa ktah ya kiwa kreh.
Da pynsñiaw leh yei hok yong kiwa kreh wa ki myntoi wa ye ki u yoh. Ka seiñ da pynman ko ya ka e snaam sñiawbha la ar sien hapoh chisnem, itæ Tura wa ha Shillong.
Ya ka yalang da pynkut da ki ktien e khublei na u Assistant General Secretary yong ka u R. Kharduit katwa u President yong ka, u Grevy Momin da man u kam u chongknor.
Discussion about this post