Shillong: Ka Pathology Department, NEIGRIHMS da pynman ko ya ka 47th Annual Conference of Cytology “CYTOCON 2017” nadooh ka 10 hadooh 13 tarik uni u bnai hei yakrehlang wa ka North East Regional Chapter of Indian Association of Pathologists and Microbiologists.
Ha kani ka Conference da wan chimbynta hadooh kamwa 487 ngut ki doctor na kylleiñ ka ri kamjooh leh kiwa na Singapore, Taiwan wa na Kuwait.
Ya kani ka Conference da wan wai da ka montri ka tnat i chait i khiah ka jylla ka Roshan Warjri.
Ka Warjri hei klam yong ka da ong ko wa ka Cytology toh kawi na ki tnat wa emkaam bha hei wow sumaar ya kiwa kjut wa chitom deiwa ong wa kani ka tnat yarap ko wow chem smat yei jait kjut.
Ha kani ka conference da em kiwa sumaar wa da chemphang bha kam ka Dr. Aruna Prayaga kawa man kam ka President ka Indian Academy of Cytology, Dr. PN Wahi wa kiwi kiwi.
Hawa kut da yoh ya ki kyntien khublei na ka Organizing Secretary yong kani ka Conference ka Dr. Yookarin Khonglah.
Discussion about this post