Ka Akhil Bharatiya Vidyarthi Parishad (ABVP) Meghalaya ha kani ka 23 tarik uni u bnai da pynkut ko ya ka 4th State Conference ha Yungwalieh ka Tpepale, Jowai.
Ha kani ka sngi u Professor Henry Lamin, Pro Vice Chancellor ka skurbah NEHU da man u kam u kongsan katwa ka Heisakaru Lato da man ko kam ka symbood kongsan hei emlang u Saket Bahuguna uwa da man kam uwa da chah khut sñiawbha.
Ha kani ka Conference da wan chimbynta da ki 92 ngut ki khynroo khyllood heiwa da jied biang ya ka Lekhi A Sangma kam ka State President ka ABVP wa ka Nibiang Sumer kam ka State Secretary ka seiñ.
Da chim leh ya ka rai wow chimkhia hei wow pynkrehkaam ya ka NEP 2020 hapoh ka jylla wei wow ban joor ya ka sorkar wow sdang ko ya ki thaw esikai Medical, Engineering wa kiwi kiwi hapoh ka jylla.
