Ka 5th District Level Industrial Exhibition wa pynman da ka yung krehkaam u General Manager, District Commerce and Industries Centre, East Jaiñtia Hills District ynne da wan wai ya ka da u Deputy Commissioner ka East Jaiñtia Hills District, u A. Baranwal ha Wika Complex Compound, Khliehriat West. Ha kani ka sngi da emlang u S. Pasweth, General Manager, District Commerce & Industries Centre, u G. Pala, Functional Manager, District Commerce and Industries Centre, ka M. Shylla, District Agriculture Officer, ka O. Suchiang, District Horticulture Officer, u B. Nongpluh, District Animal Husbandry and Veterinary Officer, u R. Hinge, District Transport Officer, u L. Bareh, Waheh Chnong Khliehriat West wa kiwi kiwi.
U A. Baranwal hawa e i klam da ong u wa ki paidbah na ka District toh kiwa chemphang hei wow seiñ khih wei emkaam u pynboon chooh ya ki khih ki kreh hapoh ka District.
Da ong u wa kam kani ka Exhibition daw yarap ko u yachemlang kiwa seiñ khih wei wow sñiawthooh ya i eh i khoo wa ye ki u tyngkhooh wei kammon ki laad yarap wa ye ki wow yoh na ki bor District kamjooh ki chnat sorkar.
Ha kani ka sngi u S. Pasweth da ong u wa kani ka Exhibition toh chibynta yong i lehkmen dap 50 snem ka jylla wei wow pynchlur ya kiwa seiñ khih u thap pyrtuid (Register) ki hapoh ka UDYAM/UAM wei wow jied ya ki wow lai chimbynta ha kam kini ki pynyoo rong ha jylla wa ka ri.
Da khana u leh ya ki Scheme hapoh ka District Commerce & Industries Centre (DCIC) kam ka Master- Craftsmen Training, ka Prime Minister Employment Generation Programme (PMEGP) wa kiwi kiwi.
Ha kani ka Exhibition da booh 24 tylli ki dukan na kiwa seiñ khih ki bru samen, ki Cooperative Society na East Jaiñtia wa ki chnat sorkar kam ka yung krehkaam ka Superintendent of Fisheries, District Agriculture Officer & District Horticulture Officer, District Animal Husbandry & Veterinary Officer wa ka District Handloom Office.
Kiwi kiwa da klam ha kani ka sngi toh u G. Pala, Functional Manager, DCIC, wa u P. Suja, Functional Manager, DCIC.
