Ka Bijli Mahotsav da lehkmen ya ka ha Amlarem ha ka 26 tarik wa ha Jowai ynne ka sngi kam chibynta ka Azadi Ka Amrit Mahotsav namo ka lehkmen dap 75 snem i yoh laitlooid ka ri, kawa da pynman da ka Ministry of Power deiwa ya krehlang waka District Administration ka West Jaintia Hills District, Jowai kawa man leh kam ka rynsan yow lehkmen yei ya krehlang hapyrdi ka sorkar jylla waka sorkar pyrdi.
Neiliang u Lahkmen Rymbui, MLA 7-Amlarem Assembly Constituency da embynta u kam u kongsan ha Amlarem katwa ynne, u Wailadmiki Shylla MLA 2-Jowai da man u kam u kongsan.
Hawa klam chaphang i myntoi wa da yoh nei bordiñ hawa im ki bru man-ka-sngi, ki kongsan da kyntu ki wym toh u pynlut phut yei bordiñ.
Hawa klam chaphang ki Scheme wa da pynkrehkaam da ka sorkar neibynta i myntoi ki paidbah, u Wailad da khana u wa palat 90% ki chnong hapoh ka jylla toh kiwa da yoh bordiñ. Da khana u leh wa lyngba ka Integrated Power Development Scheme (IDPS), da ye wow pynbha yei pynpoi bordiñ ha Jowai, Khliehtyrshi Sub-Station wa ha Soomer Sabah.
Hapoh ka Deen Dayal Upadhyaya Gram Jyoti Yojana Scheme, 43 tylli ki chnong wa 2902 ngut da yoh myntoi ki katwa lyngba ka Sobhagya Scheme da em 506 tylli ki chnong wa 2968 ngut kiwa da yoh myntoi hapoh ka District. Chooh chooh da ong u wa kitu ki chnong wa ki bru wym pu em yoh myntoi daw thap noh ki hapoh ka Revamped Distribution Sector Scheme (RDSS).
Ka Bijli Mahotsav toh kawa da lehkmen hapoh waroh kawi ka ri hapoh ka chatri ka Ujjwal Bharat, Ujjwal Bhavishya-Power @2047 yow chimbynta ki paidbah yow pynsñiawthooh yei hok ki.
Ha kini ki ar sngi, da em boon ki bru paidbah kiwa da ya mih na ki chnong wa boon heiwa da pynman ya ki yalehke drama wa i pynyoo phlim kiwa yatoh waka chnat bordiñ.
Da pynyoo leh ya ki kaam yaleh u Kiang Nangbah heiwa ki yalang da pynman deiwa bood kyndon yada COVID-19 deiwa yajngai wei deiñ Mask wei da saam leh ya ki Mask cha kiwa wan wow embyntalang.
Neiliang u P K Boro, MCS, In-charge Deputy Commissioner, WJH, ka DD Syngai, MCS, Additional Deputy Commissioner wa ki heh ka chnat bordiñ da ya embynta lang ki deilang wa ki khynnah skur, kiwa sikai skur ha Chutwakhu Indoor Sports cum Auditorium, Jowai.
