Da pynman ya ka Block Level Livestock Mela neibynta kiwa ri mrad ka Sohiong C&RD Block

Shillong: Ka Block Level Livestock Mela kawa chi sngi da pynman da ka yung krehkaam u District Animal Husbandry and Veterinary Officer, East Khasi Hills neibynta ki warep kiwa ri mrad hapoh ka Sohiong C&RD Block da pynman ya ka ynne ha Sohiong.

Kani ka Mela toh kawa da pynman hapoh ka National Livestock Mission 2017-18 hajrong ka phang “Economic Empowerment through Livestock Mission.”

U montri ka chnat PHE uwa man leh u MLA ka thaaiñ u Samlin Malngiang da wan u kam u kongsan hei emlang Dr. C. Shilla, Director, AH & Veterinary, Dr. (Mrs) A. Laloo, District AH & Veterinary Officer, Dr. (Mrs) N. Marwein, AH & Veterinary Officer, Sohiong Dispensary wa kiwi kiwi de.

U Malngiang hei klam yong oo da ong u wa i ri mrad cha nongkyndong man ko kam kawi ka laad wow pynku ya ka yoh ka kot kawa yarap leh ya ki warep u pynku ya ka rukom im ki kamjooh yow e kreh ya kiwi.

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u leh i ri mrad dienchingkiar toh kawa duna i nong wei da pynchlur u ya kiwa ri mrad yow bood ki ya i rukom ri mrad katkam i stat ka pyrthai wa katni kawa da wanrah leh da ka chnat Veterinary kawa yarap yow pynku yei boon ki jait mrad wa ye kiwa ri mrad u ri.

Chooh chooh da ong u wa ka yaaw dai doh, dai mrad toh kawa da em bait heiwa hapoh ka jylla hap ko wow thied na baar jylla bait yow pyndap yeiwa emkaam hapoh ka jylla. Kamtæ da pynchlur u ya ki wow pynku yei pynmih dud, u dai doh, dai syiar deiwa heh yow ku leh ka nong ki.

Ka Dr. (Mrs) A. Laloo, District A.H. & Veterinary Officer, ha i klam waiphang yong ka da ong ko wa ka Livestock Mission da pynwan dur ya ka heitæ i rukom yow pynsuk ya kiwa ri mrad ha waroh ki liang wa emkaam yarap ki.

Ha kani ka sngi u kongsan da pynkup burom leh ya ki warep kiwa da ye u pynku ya ka ri mrad kam ha ka ri sniang, ri blang, i pynmih dud wa i ri syiar.

Da em leh ha kani ka sngi ki dukan wa pynyoo rong ya ki jait baam wa chna na i dud wa kiwi kiwi.

Kam kani ka jooh ka Mela da dep pynman ha Pynursla C&RD Block ha ka 29-11-18 heiwa da wan u J. Tynsong, MDC kam u kongsan wei ha Mylliem C&RD Block won da wan ka T. Thangkhiew, MDC kam ka kongsan kawa pynman ha ka 30-11-18.