Ka Amkoi Sports Club chirup wa ka Nehru Yuva Kendra Sangathan, Jowai da pynman ko ya ka lympung yalehke wa tip kam ka Block Level Sports Meet 2024 ha ka 16 tarik uni u bnai.
Ya kani ka lympung da pynman ha Madan Amkoi hei emlang ki waheh ka chnong, ki bru chemphang namo ki Resource Person wa kiwa kitkaam ka Dorbar Chnong Amkoi, heiwa da pynman ya ki yalehke kam ka yalehbol, Long Jump, High Jump, taan-tylle, yakhun-kti wa i yaphet pyllah.
Kiwa chimbynta ha kani ka lympung da em ki da ki spah ngut nadooh ki khynnah hadooh ki waheh.
Chwa wow saam ya ki Prize cha ki ynru ngut kiwa jop ha ki yalehke waphær waphær, da yoh i klam na u Waheh Chnong, u Aibor Lamin, u R. Pohktai uwa sikai wa da chong-ngiah wa na u Barson L. Pohti uwa sikai.
Waroh kiwa klam da e mynsien ki ya ki khynnah wow kiar na ki kaam wa sih nadooh i kiad wa kiwi ki jait dih wa pynmuaid heiwa da pynchlur leh ya ki wow em i mynsien burom mar kylliang, i yatylli wei kammon u pynlai ya ki kaam ka Club chaphrang.
Khaddooh da yoh ya ki kyntien khublei na u President ka Club, u K.L. Lamin.
Discussion about this post