Jowai : Ka Children’s Film Festival kawa pynman ynne ha Jowai da wan sakhi ya ka da kiwa boon ki khynnah na ki skur waphær waphær ka chnong Jowai wei da yoh leh u pynoo ya ar tylli ki phlim wa pyrtuid ‘Kima’s Lodge-Beyond the class’ ka phlim na Mizoram wa ka ‘Mother I Love You’ ka phlim na ka ri Latvia.
Ki khynnah wa embhah u sakhi ya kini ki ar tylli ki phlim da yoh ki u yoo ya i rukom im ki khynnah na kini ki ar tylli ki thaw heiwa ka phlim ‘Kima’s Lodge’ toh chaphang ki khynnah wa im ha i chnong khian kiwa nei yut skur poi ki cha i yoh yaroh na waroh ka skur wa ka chnong.
Ka phlim ‘Mother I Love You’ won toh chaphang uwi u khynnah wa em sa du ka bei donhi tangwa deiwa ym mut u leh bakla da yah luti ya oo hadooh wow li tooh u yow lait ka bei wow chem wa pynwiar tiar u wei wow murieh ya ki report yong oo na skur da i thmu yong oo yow pynkmen ya ka bei yong oo.
U Kongsan ha kani ka sngi u ma R. Syngkon, MLA ong u wa emkaam hi u pait ya ki phlim wa yarap ya phi hei puræ puthi kamjooh ya ka mynried yong phi boi ye u man wa daw em na kiwa wan pait ynne ka sngi ki wa daw man kiwa chna phlim mynstep mankawi.
Da ong u leh wa ym hoi u pynlut por le kynta u pait serial tangwa ya ka kot won u pyllut por du chiteiñ kynta chi sngi.
Da yoh leh ya i klam ynne ka sngi na u C. Passah, Deputy Director, Information and Public Relations wa na u ma A. Laloo Rtd. Inspector of School.
Neiliang kiwa pynman ya kani ka Film Festival da em u Satya Raj Rai, North East Head of Cine Darbaar uwa da saam leh ya ki khusnam cha ki khynnah wa tip u jubab ya ki jingkylli chaphang ki phlim wa yoh ki u pait ynne ka sngi.
Ya kani ka Film Festival u pynman won ya ka mynstep sa ha Shillong.
Discussion about this post