Shillong: Ka Conference wa chi sngi hajrong ka phang “The Juvenile Justice (Care and Protection of Children) Act” da pynman ya ka da ka Meghalaya State Judicial Academy ha Conference Hall, High Court of Meghalaya, Shillong ynne ka sngi.
Ha kani ka sngi u Justice Mohammad Yaqoob Mir, Chief Justice, High Court of Meghalaya, uwa man leh u Patron-in- Chief, Meghalaya State Judicial Academy da man u kam u kongsan hei emlang u Justice H.S. Thangkhiew, Judge, High Court of Meghalaya, ka Judge in Charge, Meghalaya State Judicial Academy, B. Mawrie, Register General, High Court of Meghalaya, ka M.B. Challam, Director, Meghalaya State Judicial Academy, ka M. Kharkongor, Chairperson, State Commission for Protection of Child Rights.
U Justice Mohammad Yaqoob Mir da ong u wa ki khynnah man ki ka mynried yong ka ri wei lada ye wow pynwandur ya i rukom im yong ki nadooh wa sdang katwon u yarap i ya ka imlang sahlang.
Ha kani ka Conference da em ki dkhot ka Juvenile Justice Board, Police Officers, Doctor, Judicial Officers, District Child Protection Officers, wa kiwi kiwi.
Ki bru chemphang namo ki Resource Persons ha kani ka sngi toh ka M. Kharkongor, Chairperson, State Commission for Protection of Child Rights, Miguel Queah, Executive Director, Utsah, u Surendra Kumar, IGP, CID Assam Police wa ka Bandarisha Kharlukhi, JMFC.
Ha kani ka conference da yaklam hajrong ka aiñ Juvenile Justice (Care and Protection of Children) Act, 2015 wa kynthup ya ka “Genesis and Evolution of Juvenile Justice System in India”, “Juvenile Justice Act of 2015” wa kiwi kiwi ki aiñ wow yada ya i hok ki khynnah.
Discussion about this post