Kam chibynta ka North East Festival 2022 kamjooh chibynta i lehkmen yei dap 75 snem i man laitlooid ka ri iwa da khut Azadi Ka Amrit Mahotsav namo i chit rhem mynsien yei yoh laitlooid ka ri, neiliang ka yung krehkaam u DSO wa u DC ka West Jaiñtia Hills District da pynman ki da ka yakob phet pyllah wa tip kam ka Marathon Cross Country Run.
Ya kani ka yaphet da wan wow kaweh lama da u SP ka West Jaiñtia Hills deiwa emlang ka DD Syngai, ADC wa u W. Kharbuli, EAC ka District.
Kani ka Cross Country Run da sdang na madan Kiang Nangbah wei da lai lyngba ka sarok Jowai Bypass warim, na Amlarem Bypass, Stand War, Mynthong, Chutwakhu, Mission Compound, Iongpiah, Dulong, Tpep Pale, Iawmusiang, New Hill wei da pynkut biang ha madan Kiang Nangbah.
Na ki chynrang uwa yoh nyngkong toh u Dasaman Kyndai, wa ar u Belin Dkhar, wa le u Damang I Lyngdoh.
Na ki kynthai da yoh nyngkong ka Phyrnai Kyndait, wa ar ka Happiness Phawa, wa le ka Nangkiew Slong.
Ha kani ka sngi da e khusnaam wa kyrpang daka song poisa wa ma T. 1000 samen cha u Ram Ryngkhlem uwa man kam uwa heh rta dooh (58 snem) na kiwa chimbynta wa cha u Mihsalan Shylla kam uwa khian rta dooh (10 snem) na kiwa chimbynta.
Kiwa yoh nyngkong da yoh ki T. 5000, wa ar T. 3000 wa kiwa yoh wa le da yoh ki T. 2000.
Waroh kiwa da chimbynta da em ki 145 ngut.
