Ka District Level Science, Mathematics and Environment Exhibition 2025-2026 da pynman ya ka da ka yung krehkaam ka District School Education Officer, West Jaiñtia Hills ha ka 26 tarik March 2026 ha Jowai Public School heiwa da wan chimbynta da kiwa boon ki skur. Ka phang yong kani ka Exhibition toh “STEM for Viksit and Atmanirbhar Bharat” heiwa ki khynnah da wanrah ki ya ki buit wa har rukom.
Ka District School Education Officer, ka Dr. (Smt) Wa-i-sa Sumer da ban joor ko wa ka thong yong kani ka exhibition ymtoh wow pynyoo rong donhi ya ki tiar tangwa u pynyoo yei stat katkam wa yah ka juk wa katni.
Da ban ko wa kani ka exhibition toh katkam ka Viksit Bharat, heiwa man kiwa emkaam u pynkhreh ya ki khynnah wow pynman ya ka India kawa da ku ha u 2047.
Chooh chooh da ong ko wa hanlada ki Science Exhibition man ki kam chibynta yong i puræ puthi tangwa i wanrah ya ki phang yarap ko ya ki khynnah, kiwa sikai, ki thaw puræ wa ki thong yong ka ri wei pynchlur ko leh ya ki khynnah wow pyrkhat cha baar yeiwa da sikai ha Class namo wa thoh ha ki kot.
Heijooh i por da ong ko wa man iwa emkaam wow tih bniah wei wow man ki bru wa chemphang deiwa pynchlur ya ki khynnah wow pyrkhat leh kammon wow leh yeiwa tyngkhooh ka imlang sahlang katni nadooh i jhep wa kiwi kiwi.
Neiliang ka Dr. Wa-i-sa da sylli ko ya ki tiar wa da wanrah kamjooh da yaklam ko wa ki khynnah deiwa yaroh wei pynchlur leh ya ki.
Ha kani ka Exhibition ka North Liberty Higher Secondary School, Jowai da rah ko ya ka First Prize, ka Jowai Public School wa Marian Higher Secondary School, Jowai da yoh ki ya ka Second wa Third Prize.
Kiwa emlang ha kani sngi toh u Principal ka Jowai Public School u Mardor Sing Kharshiing, kiwa sikai wa ki khynnah skur.
Discussion about this post