Ka Nehru Yuva Kendra Jowai, da pynman ko yei yachem ki khynroo khyllood haka 29 tarik u Naichiphaw haka Vianney Hall yong ka Marian Hill Higher Secondary School, Jowai heiwa u Dawan Lyngdoh uwa man u MDC yong ka Mynsngat Khanduli da man u kam u kongsan ha ka yalang wai.
Ha kani ka Yuva Utsav (Youth Convention) da pynman leh yei pynyoo rong ya ki dustur riti naki thaaiñ waphær waphær yong ka District nadooh ki chaad tynre wei da em leh ka yakob dro dur wa i e rong dur neibynta ki kynnah wa ki khynroo, da em leh ka yakob thoh Poetry kamjooh leh ka yakob chondur da ki Mobile Phone. U symbood kongsan ha ka yalang toh u Dr. H.H. Mohrmen.
Ha kani ka sngi da em leh ka yakob klam paidbah hajrong ka phang kawa tip kam ka Declamation Contest ha kawa da chimbynta da ki khynroo khyllood na ki thaaiñ waphær waphær yong ka District. Ha kani ka Youth Convention da yoh leh yei klam na u S. Das, Youth Employment Officer. Ha ka yalang pynkut da wan wow pynwai da u Wailadmiki Shylla uwa man u MLA yong ka Jowai Constituency.
Kiwi de kiwa klam ha kani ka yalang toh u D. Rapsang, District Youth Coordinator, u P.K. Boro, ADC WJH, u Wanteibor Khonglah, ka Nangroi Shaphrang Dkhar wa kiwi kiwi.
Ha kani ka Yuva Utsav da wan wow ya chimbynta da ki khynroo khyllood ka East wa West Jaiñtia Hills District.
