Da pynman ya ka District Level YUVA UTSAV ha Khliehriat

Ka Nehru Yuva Kendra Sangathan (NYKS), Shillong ynne da pynman ko ya ka District Level YUVA UTSAV hapoh ka thong “Panch Pran and India @ 2047” ha Jaiñtia Eastern College, Khliehriat heiwa u MP ka Shillong (Lok Sabha) u Vincent H. Pala da man u kam u kongsan wa u Kyrmen Shylla, u Montri ka chnat Excise, Revenue wa Disaster Management Department da man u kam u symbood kongsan hei emlang u A. Baranwal, Deputy Commissioner kam uwa chah khut sñiawbha. 

Ka thong yong kani ka yalang toh wow lehkmen ya ka Azadi Ka Amrit Mahotsav namo ka mynsien lehkmen yei yoh laitlooid wei i bor ki khynroo namo ka Yuva Shakti wow pynpoor ya ki thong yong i yakhih laitbooid ka ri wei wow wanrah yei mynsien maya ri. 

Ki khynnah na kylleiñ ki skur ha ka District da chimbynta ki ha ka Young Artist-Painting, Young Writers-Poetry, Mobile Photography, Declamation Contest wa Cultural Festival kiwa em hapyrdi 15 hadooh 29 snem i rta wa da chah wow chimbynta ha kini ki yakob. 

U Vincent hawa e yei klam da pyntip u wa ka NYKS toh ka chnat kawa da krehkaam la 51 snem wei pynkupbor ko ya ki khynroo khyllood ka ri ha ki bynta waphær waphær. Da ong u leh wa ki khynroo khyllood em ki ka neibynta wa khroo ha ka imlang sahlang deiwa chimbynta ha ki kaam pynroi wa har rukom. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ban skem u leh ya ka Panch Prans yong ka NYKS kiwa man ki thong wow pynku ya ka ri, wow pyndam yei rukom pyrkhat kam heipor wa chah synchaar ha ki dohlieh, yow sñiaw sarong yei man kyrpang wei wow pynchlur ya i yatylli wa i mynsien kaamram ya ki para bru. 

U Kyrmen Shylla hawa e yei klam da ong u wa kam kiwa chong chnong toh man kiwa em i bahkhlieh kam kiwa chong chnong ka ri wow pynku ya ka. 

Da klam u leh hajrong i wym yoh kreh ki khynroo khyllood deiwa ong wa ka sorkar India dang kyruiñ ko wow pynchlur ya ki ha i e sikai wow yoh khih yoh kreh deiwa khana leh ya ki Scheme wa da wanrah ka sorkar heiyatoh wa i e sikai. 

Kiwi kiwa da klam ha kani ka sngi toh u D. Rapsang, Deputy Director, NYKS, Shillong, u Dr. Phervision Nongtdu, Principal ka Jaiñtia Eastern College, ka Ribahun Phadong, NYV Laskein wa u DC.