Jowai: Da pynman ya ka District Youth Convention ha Saitsama ha ka 23 tarik uni bnai ya kawa da pynman da ka Nehru Yuva Kendra Jowai (Ministry Of Youth Affairs And Sports) lyngba i yakrehlang wa ka Vanglai Club Saitsama.
Da pynman ya kani ka program ryngkat i emlang u Waheh Chnong ka Saitsama, kiwa kitkaam chnong, ka Vanglai Club Saitsama, u Dawan Lyngdoh wa man kam u Waheh Chnong ka Namdong, u Rev. H.H. Mohrmen uwa man kam u Resource Person, ki khynnah khynroo khyllood ryngkat wa ki manbei manpa.
Da pynlai ya kani ka yalang da u L.K. Laloo uwa man kam u President ka Vanglai Club Saitsama, da yoh yei klam pdiang burom na u Waheh Chnong ka Saitsama u Karbar Syngkon, da yoh leh yei klam na u Waheh Chnong ka Namdong u Dawan Lyngdoh.
Ha kani ka sngi da yoh yei pynche na u Rev. H.H. Mohrmen hajrong i ktah ka Social Media ya ki khon khynroo khyllood namo “Ka jingktah jong ka Social Media ia ki khun samla ha kine ki sngi.”
Hei klam yong oo da ong u wa ha waroh kiyi kiyi em ki ar liang heiwa chiliang kawa bha wa chiliang kawa sih, kamtæ chong ko ha uwi pa uwi wow jied ya iwon i liang wow pynemkaam neibynta wa bha. Da pynkynmoo yei myntoi wa wanrah yei yajan wei da pynsuk ko leh ka Social Media wow pyn poor ya ki khubor wei em won leh kiwa chim kabu wow pynmih ya ki khubor thok kawa ktah ya ka imlang sahlang kamtæ emkaam wow syndong bha ya ini wei wow bichaar bniah neiwon mih ki khubor chwa wow saam lang ki wa kiwi.
Ya kani ka yalang da pynkut da ki kyntien khublei na u Lewis Sumtinkha uwa man leh kam u Sports Secretary yong ka Vanglai Club Saitsama.
Discussion about this post