Ka dorbar bah ka kur Synnah Ri Khasi Jaiñtia kawa san da pynman ya ka ha ka chnong Nongthymmai Ri-Bhoi District haka 2 tarik uni u bnai.
Ha katai ka yalang da sdang deiwa pynhær yaka lama kur da u President, u Paul Synnah deilang i duwai i khana hachwa u sdang ka dorbar heiwa ya ka yalang da pynlai da u Laykey B. Synnah, Asst. Secretary ka Central Governing Body.
Da yoh leh yei sneiñ i kroo na ki waheh yong ka kur wei da yoh leh i chaad maya kur na Saphai, Raliang, Smit, Siangkhnai, Khew Mawpdang wa na Umsning.
Da wanrah leh ya ki bui (Report) krehkaam waka Report poisa poilaiñ naka Central Body ka kur wa ki Circle, da saam leh ya ki Award cha u Bandonkupar Synnah uwa da yoh Gold Medal haka North East Olympic Games kamjooh ya u Amplias Synnah wa yoh yaka Governor’s Medal hei kaam pulit.
Da yoh leh u pynkhle ya ki Lucky Draw yong ka kur Synnah na ki chnong waphær waphær na Ri Khasi Jaiñtia kamjooh na Assam leh kiwa da wan chitrhem ki cha ka dorbar.
Da pynwai ya ka dorbar deiwa pynhaap yaka lama kur, i bamja lang chirup wa ka chaad ka tem.
