Ka District Legal Service Authority ynne da pynman ko ya i e sikai neibynta ki Para Legal Volunteer ka West Jaiñtia Hills ha Conference Room ka yung krehkaam u Superintendent of Police, Jowai.
Ka thong yong kani ka e sikai toh wow pynche ya ki Para Legal Volunteers hajrong ki aiñ, i rukom chna aiñ wa yada ya ki imlang sahlang.
Ka B. Khriam, MJHS, District Session Judge cum Chairperson District Legal Service Authority, da wan wai ko ya kani ka esikai wa i kaamram wow pyndep ya ki.
U B. Lyngdoh, Legal Aid Counsel wa u S. Changsan, Additional PP da pynche ki hajrong i hok, i kaamram wa i bahkhlieh katkam ka riti synchaar ka ri. Chooh chooh da batai leh hajrong ki kaam wa man pyrchah ya ka aiñ, ki kynthai, ki khynnah wa kiwi kiwi.
Neiliang u Block Development Officer ka Laskein, u Dr. B. Langbang, u Block Development Officer ka Thadlaskein Block u D. Lyngdoh wa ka N. Lahuid da pynche ki ya ki Scheme wa kiwa ki kaam sorkar.
Ya kani ka e sikai da pynlai da u D. Pakyntein, Legal Aid Counsel, Jowai.
