Shillong: Ka tnat Tourism yong ka sorkar jylla chirup wa ka Meghalaya State Commission for Women (MSCW) ynne da pynman ko ya ka esikai namo ka Training on Home Stay Tourism ha North Eastern Council Secretariat, Shillong, heiwa da wan chimbynta da kiwa boon ki kynthai na kylleiñ ka jylla.
Hawa e i klam lamphang neiliang ka Chairperson MSCW, ka Theilin Phanbuh da ong ko wa ki Home Stay Tourism toh kawi na ki phang wa krehkaam ka National Commission for Women (NCW) chirup wa ka Airbnb wow pynchlur ya ki kynthai wow seiñ khih ki.
Neiliang u Gautam Chintey, Adviser (Banking, Industries & Tourism)/ I/c Director (Evaluation & Monitoring), da ong u wa da yoo wa em chiboon kiwa pynyoo wa kwah ki wow seiñ khih dei yong ki hi wei ka Womens’ Commission yaleh ko wow pynchlur ya ki wow sdang ya ki Home Stay dei kyrchaan yong ka Airbnb.
Ka Airbnb toh ka company kawa pynlai ya ka Online Market-place and Hospitality Service ha kylleiñ ka ri, wow pynchlur ya ki bru wow e wai chipor ya ki yung wow man ki kam ki cottage, apartment, homestay, hostel wa kiwi kiwi.
Discussion about this post