Da pynman ya ka esikai hajrong ki laad puræ ya ki khynroo khyllood wa em hapoh Tuberkmai Shnong

Jowai: Ka Ia Ksoh Kti Lang Tuberkmai Shnong Society hei ya krehlang waka Nehru Yuva Kendra (NYK) da pynman ko ya ka Career Guidance namo ka e sikai wow jied ki khynroo khyllood ya ka luti puræ wa yatoh wa ki wa chaphang i kjut HIV/AIDS & Alcoholism ha ka 16 tarik uni u bnai.

Ha kani ka yalang da wan sakhi lang ya ka da kiwa chong chnong chynrang wa kynthai ka chnong Tuber Kmai Shnong deilang wa ki khynnah skur yong ka Seiñ Jait Tuber Higher Secondary School.

Ya kani ka yalang da pyllai da uwa e buit ka seiñ u Tbn. A. Phawa wei uwa sikai u C. Sari da e u ya ki ktien pdiang burom ya waroh.

Ha ka bynta wa nyngkong kawa tip kam ka Career Guidance u Theophilous Synnah, da klam u chaphang  ini wei da batai u ya kiwa boon jait ki laad puræ puthi wa ye ki khynroo khyllood u jied kawa yatoh wa ki wei ymtoh u bood lok ki hei yatoh wa ini toh u jied katwa kwah ki na mynsien.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha ka bynta wa ar kawa yatoh wa ka HIV/AIDS & Alcoholism u Rev. L. Garod da klam u chaphang kani ka phang heiwa kammon poor uni u khniang HIV wei yei chah ieñ ki bru ha i dih kiad wei da ong u wa bha u dam hi u sdang bar yow chah sumaar.

Hawa kut kani ka yalang u Jassemy Phawa uwa man leh u Secretary ka seiñ da e u ya ki ktien e khublei.