Da pynman ya ka esikai wow pynchlur ya ki kaam uiñke suwari ha ki nongkyndong lyngba ki Cooperative Society

Jowai: Chibynta wow kyntu kynrong ya ka kaam uiñke suwari ha ki thaiñ nongkyndong, ynne ka sngi da pynman ya ka esikai wa tip kam ka “One Day Workshop Cum Awareness Programme For Promotion and Development of Rural Tourism Through Cooperative Societies”.

Ya kani ka esikai da pynman ha Community Hall yong ka Lion Mission Compound Dorbar Chnong heiwa ka J. Kharsahnoh kawa man kam ka Joint Registrar of Cooperative Societies da e ko ya ki kyntien lamphang.

U DL Nongspung, uwa man u dkhot ka Meghalaya Village Development and Promotion Tourism Cooperative Society (MVD&PCS) Ltd. Shillong hawa e i klam da ong u wa ka sap ki bru yong i man ko kawa kyrpang bha wei deiwa pynemkaam ya ka ye wow kyntu kynrong ya ka kaam uiñke suwari. Da ong u wa u chyrmit Lakadong man u uwa heh bha ka yaaw wei neini da dai ya oo hei dor wa toh, wei manda pynemkaam ya oo wow chna dawai da dai syad dor won ya i dawai deiwa ong wa u chyrmit leh ye u wow kyntu kynrong ya ka kaam uiñke suwari neibhah boon kiwa kwah wow tip kammon rep ki ya u syiñ chyrmit.

Ka R. Kharmujai, kawa man kam ka Managing Director yong ka MVD&PCS da klam ko hajrong ka phang “Rural Tourism through Cooperatives- Its importance as a key promoter for economic opportunities” da ong ko wa ya kani ka Cooperative da sdang nadooh u snem 2013 wei katni em hadooh 20 tylli ki Cooperative Society kiwa yakrehlang wa ka.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong ko wa lyngba kani ka MVD&PCS yoh myntoi ki Societies chiboon khamtam kiwa kreh neibynta ka kaam uiñke suwari neibhah wa da ye wow e yarap cha ki ya ki tent, ki life jacket, ki lien wa kiwi kiwi.

Neiliang ka District Tourism Officer, ka WJH ka SD Shylla hawa e i klam ha kani ka sngi da ong ko wa ka kaam uiñke suwari man ko ka wow neh kawa ye wow pusai boon rta wei ym man ko kam i tih mooyong, moochuni neibhah kini ki mar ha kawi ka sngi daw dooh daw lut ki. Katwa kamtæ da kyntu ko wa emkaam wow yada ya ka rymaw wei emkaam leh wow sdang noh u seiñ khih heiyatoh wa ka kaam uiñke suwari.

U K. Passah uwa man kam u Junior Cooperative Officer da batai u ya i rukom wa ye ki u register ya ki Cooperative Society, wei khaddooh da pynkut ya kani ka esikai da ki kyntien khublei WB Pariat, uwa man kam u Senior Cooperative Officer.