Kat dang lai ki sngi, i poor ka khlam u COVID-19 dang joor ko, kamtæ ynne ka sngi da pynman ya ka esikai neibynta ki MDC ka JHADC heiyatoh wa uni u khñiang ha yung krehkaam ka Council.
Ya kani ka esikai da wan ki bru chemphang na ka chnat i chait i khiah ka West Jaiñtia Hills.
Chwa wow sdang kani ka esikai da yoh i klam na u ADC ka District, u L. Kyngjing, wa i batai pynche na ka Public Health Nurse, ka M. Tariang.
U CEM ka Council, u Thombor Shiwat da ong u ong u wa i daw wa pynman ya kani ka esikai toh wa ki MDC man ki kam kiwa mihkhmat wei ki nawon u pathai ki cha ki paidbah kammon wow yada u kiar na kani ka khlam u COVID-19.
Chooh chooh da pyntip u wa ka yung krehkaam ka Council toh ka yong ki paidbah katwa kamtæ da yaleh ki wow bood ya ki kyndon sorkar kam wow phah wan kreh du 30% na ki wakreh.
