Shillong: Ka esikai wa tip kam ka “Training Programme on Role of Media in Disaster Management” da pynman ya ka ynne ha Pinewood Hotel, Shillong.
Ya kani ka esikai da pynman da ka Meghalaya State Disaster Management Authority chirup wa ka Directorate of Information & Public Relations, Government of Meghalaya wa ka Shillong Press Club.
Ha kani ka sngi u montri ka Revenue & Disaster Management, u Kyrmen Shylla da man u kam u kongsan.
U Kyrmen hawa e i klam da ong u wa ki laad pathai khubor namo ki Media man ki kiwa emkaam tam wow e yutip cha ki paidbah heiyatoh wa i maa wa em heioor wa ktah ki bor ka rymaw.
Da ong u leh wa ki social media man ki ki laad wa emkaam tam ha kani ka juk wa katni wow e yutip cha ki paidbah khnang wow tip smat ki yeiwa jia waroh.
Da kyrmen u wa kam kini ki esikai daw yarap ko chiboon wow pynduna yei ktah wa mih hawa jia kam kini kiyi kiyi waroh.
Kiwi kiwa da klam ha kani ka sngi toh ka I. Mawlong, Executive Director, Meghalaya State Disaster Management Authority, Government of Meghalaya, u R. Nongkhlaw, Deputy Director, Directorate of Information & Public Relations, Government of Meghalaya, u S. Bordoloi, Consultant, SDMA, Government of Meghalaya, u Snehasis Sur, Senior Journalist and President, Kolkata Press Club wa u David Laitphlang, President, Shillong Press Club.
Hawa sdang ka esikai u Snehasis Sur, Senior Journalist and President, Kolkata Press Club kam u bru chemphang da klam u hajrong ka phang “Disaster Management, Disaster Reporting and Crisis Communication”, yeiwa da pynbood won da ka Open Forum, Brainstorming wa Idea Generation.
Discussion about this post