Shillong: U Chief Justice ka High Court of Meghalaya, u Justice Mohammad Yaqoob Mir ynne da ong u wa i chalan ya ki bru (Human Trafficking) man i i kaam iwa pyrchah ya ki bru ha pyrthai wei man i i jaitkaam wa le ha i rukom wa boon kiwa emkti ha kani ka jait kaam ha waroh kawi ka pyrthai.
Da ong u yeini hawa wai ya ka One Day Judicial Colloquium on Anti-Human Trafficking, kawa da pynman da ka Meghalaya State Judicial Academy ynne ha Conference Hall, High Court of Meghalaya.
Ha kani ka yalang da emlang ki Judicial Officers, Police Officers, State Government Officials, State/District Nodal Officers Anti-Human Trafficking, Lawyers, NGO, wa kiwi kiwi, heiwa u Chief Justice da ong u wa ka Human Trafficking ym du wa man ko ka kaam kawa chyrkhei tangwa man ko leh wow pynemkaam bakla ya ki bru wei em da ki phaw lak ngut kiwa ngat ha kani ka kaam du hapoh Asia neibhah wa daw man i iwa eh bha lada ymye u pyndam namo u pynsangeh ya kani ka kaam.
Ha kani ka yalang leh da emlang u Judge, High Court of Meghalaya, u Justice S.R. Sen.
Ya kani ka yalang da pynman wow pynche wei wow pynsñiawthooh ya kiwa bichaar kam ki Magistrate wa ki Judge wa kammon sñiaw ki kynthai wa ki khynnah kiwa chah ktah ha kani ka kaam khnang wow ye ki u bichaar wei wow e hukum da kawa miat tam wow pynchitom ya kiwa emkti wow leh ya kam kani ka kaam.
Discussion about this post