Shillong: U Chief Justice ka Meghalaya High Court uwa man leh kam u Executive Chairman, Meghalaya State Legal Services Authority (MSLSA), u Justice S.R. Sen da wai u ya ka Legal Services Camp hajrong ka phang “Root out Poverty” ha chnong Mawphlang, East Khasi Hills District.
Ya kani ka Camp da pynman da ka Meghalaya State Legal Services Authority hei yakrehlang wa ka District Legal Services Authority chirup wa ka sorkar jylla neibynta ka Mylliem wa Mawphlang Community & Rural Development Block. Ha ka sngi wai ya kani ka Camp da emlang u MDC ka thaiñ, u L. Blah, Chief Secretary, u Y. Tsering, Secretary to the Government of Meghalaya, Law Department, W. Khyllep, Deputy Commissioner, East Khasi Hills, P. S. Dkhar, Superintendent of Police, East Khasi Hills, D. N. R. Marak, Registrar General, High Court of Meghalaya, B. Mawrie, Member Secretary, Meghalaya State Legal Services Authority, W. Diengdoh, District and Sessions Judge-cum- Chairman, District Legal Services Authority, Noor Ain Khan, ki sahep sorkar wa kiwi kiwi.
Ha kani ka sngi u kongsan da saam u ya ki Wheelchair, ki dieñ chdooh – White Walking Sticks cha ki bru kiwa em i duna ha i doh i pran, ki kor soor, wa ki Work Order yong ka MGNREGA kiwa da pynkreh hapoh kani ka Block. Ha kani ka sngi u kongsan wa kiwi kiwi da thung ki leh ya ki tre dieñ wow pynsah kynmoo ya kani ka sngi.
Kam wow pynkynmoo heini wa ka National Legal Services Authority da sdang ko ya ka rukom leh wa thymme wow pynman ya ka Legal Services Camp ka wow yarap ya ki bru kamjooh leh wow pynsñiawthooh paidbah ya ki laad wa yoh yarap ki hawa em ki hei eh i khoo. Ha kani ka Legal Services Camp da wan chimbynta da ki tnat krehkaam ka sorkar pyrdi wa ka sorkar jylla, ki bank, ki seiñbhalang wa kiwi kiwi. Da em leh 40 tylli ki dukan namo ki stall heiwa da pynyoo ya ki scheme sorkar wa ye ki paidbah u yoh myntoi.
Discussion about this post