Ynne ka sngi da lehwarom ya ka 72nd Republic Day ha madan Jrisalein, Jowai deiwa bood ya ki kyndon sorkar heiwa u montri ka sorkar u Lahkmen Rymbui da wan pynhær u ya ka lama ka ri wei da chim u leh yaka Rastriya Salute ya kiwa leh March Past heiwa da temlang yei sur National Anthem.
Da yoh leh yei pynyoo rong ya ki kari wa da pynriam namo ki Tableau yong ki chnat sorkar heiwa da em 12 tylli kini ki kari.
Da saam leh ya ki khusnaam kam ka Health and Wellness Centre (HWC) Award, heiwa ya i naam Best Performance Health and Wellness Nurse da yoh da ka Lapynshai Kharshyndon na Sanaro SC-HWC wei ya i naam Fit Health Worker Doctor da yoh da u Dr. RH Barbhuiya na Barato PHC-HWC.
Ya i naam Fit Health Worker Nurse da yoh da ka Euginia M Khongdeit na Darrang SC-HWC, ka Isabetlin Kharbhih na Khanduli SC-HWC, ka Joyfulness Thongni na Saitsama SC-HWC, ya i naam Fit Health Worker Lab Technician da yoh ka Anita Chen na Shanpung PHC-HWC.
Ka Best Health And Wellness Centre da yoh ka Chutwakhu Health And Wellness Centre, ka Top Performing Hospital Based on Overall Utilisation da yoh ka Pdengshakap PHC.
Ya kani ka sngi da pynphooh da ki rwai wa ki chaad.
Ya kani ka lehkmen Republic Day da pynman leh ha Hima Shangpung ha madan Hula, Moosyiem, Shangpung heiwa u Saleng A Sangma, MLA ka Gambegre West Garo Hills da wan pynhær u ya ka lama ka ri.
