Shillong: Ka One Day Block Level “Livestock Mela” cum Workshop hajrong ka phang “Improving Livelihood through Livestock and Poultry Farming” da pynman ya ka da ka yung krehkaam u Sub-Divisional A.H. & Veterinary Officer, Sohra Sub-Division hapoh yong ka National Livestock Mission 2017-18 ha Saitsohpen Community Hall, Sohra ynne ka sngi.
Ha kani ka sngi u Dr. Donkupar Roy, Speaker, Meghalaya Legislative Assembly da man u kam u kongsan hei emlang u A.S. Mukhim, BDO Shella Bholaganj C&RD Block, ka J. Umdor, EAC, Sohra, Dr. K. B. Sahkhar, Deputy Director, A.H. & Veterinary Department, ki sahep na ka A.H. & Veterinary Department, ki warep wa kiwi kiwi.
Ka thong yong kani ka Mela toh wow yachem wa kiwa psan mrad wow e laad ya ki wow pynyoo ya ki mar yong ki ha kawi donhi ka rynsaan wow khana ki leh ya ka luti wa da lai ki.
Ya ka yalang yong kani ka Mela da pynlai da u Dr. B. K. Mawthoh, Sub-Divisional A.H. & Veterinary Officer, Sohra Sub-Division.
U Dr. Donkupar hawa e yei klam da yaroh u ya ka chnat A.H. & Veterinary Department kawa da pynman ya kani ka mela neibhah kam kini ki programme daw yarap ko ya ki bru kiwa im na i psan mrad. Da ong u leh wa iwi na iwa eh dooh i kreh toh i psan mrad neibhah wa da ku dor ware ki mar baam yong ki mrad.
Ha kani ka sngi da saam khusnaam leh ya kiwa psan mrad na ka Shella Bholaganj C&RD Block.
Kiwi kiwa da klam ha kani ka sngi toh u A.S. Mukhim, BDO Shella Bholaganj C&RD Block, Dr. K. B. Sahkhar, Deputy Director, A.H. & Veterinary Department, ka A. Badwar, Outstanding Farmer, Laitkynsew wa u Dr. M. Khongngain, A.H. & Veterinary Officer, Shella Bholaganj C & RD Block.
Ha kani ka Mela da booh leh ya ki Stall yong ki chnat waphær waphær kam ka Agriculture, Horticulture wa kiwi kiwi.
Discussion about this post