Jowai: Da pynman ya ka pynche paidbah namo ka Awareness Programme ynnin ka 29 tarik hajrong ka phang ‘Addiction to Bad Habits’ And ‘Mental Stress’ ha Rymbai Government Secondary School, Rymbai, East Jaiñtia Hills.
Ya yani ka pynche paidbah da pynlai da ka Headmaster ka skur, ka PL Nonglait heiwa u Rev. Bidonbok Syiem uwa man kam u Chairman ka KJP Synod Sepngi, Urban Mission Counselling Centre, Shillong da man u kam u bru chemphang.
Ha kani ka sngi da pynsñiawthooh hajrong ki kaam wa ktah yei doh i pran nadooh i baam duma, dih duma, dih bhang, kiad, drugs wa kiwi kiwi.
Da khana wa kiwa boon dooh kiwa pynemkaam drugs toh kiwa ieh skur chiteiñ-por heiwa da chem wa em hadooh 37.50% kiwa pynemkaam drugs toh kiwa ieh skur wei kyrni ki wow pynlut por du ha i drugs donhi.
U Bidonbok da ong u wa ini i kyrni drugs sdang i nei sñiawthooh bakla wa chah thok wa yarap i hei bor pyrkhat, i sñiawsuk, i yoh lok wa kiwi kiwi.
Da batai u leh wa kammon i drugs ktah i yei rukom im wa man ka sngi yong uwi pa uwi u bru. Heiwa da batai leh kammon wow ye u yait wei wow dam u ngat ha i dih drugs wa kiwi kiwi ki jait dih wa ktah yei doh i pran.
Hachwa wow kut kani ka pynche paidbah da yoh ya i ya phyllu yumut wa ki khynnah kiwa da pynyoo yei ka-it mynsien ki wow kylli hajrong ki phang waphær waphær.
Discussion about this post