Jowai : Da pynman ya ka pynkhooid ya ka Yaw Amlarem ynne ka 12 tarik da ka office ka SDO (C) hei yakrehlang wa ka Dorbar Chnong Amlarem, ki tre dukan, kiwa kamai kari, ki Police, ka tnat Tympleh Diñ wa kiwi kiwi kam chibynta yow pynkhreh ya ka lehkmen sngi laitlooid.
Ya kani ka pynkhooid yaw da pynman hadien wa yoo wa kani ka yaw em ko ha luti NH 44(E) toh kawa joor i jakhlia iwa da ktah ya i lai i wan ki kari.
Ha ka yalang wa da pynman da pynbna leh wa da bynta ya ki thaw yein kari Dawki, Muktapur, Padu, Thangbuli-Umladkhur wa Amlarem-Jowai heiwa daw pynchitom ya kiwa tyngkheiñ ya ini.
Da leh yeini neibhah boon kiwa kamai kari da pynyeiñ khlem akor ki ya ki kari hadooh em kiwa booh ha sarok wa lai kari iwa ye u yah cha i ya tyrrah kari wa i mynso ki paidbah wa lai wa wan.
Discussion about this post