Jowai: Ka Seng Kynthei Unitarian Union Northeast India kam chibynta wow e chakri ya kiwa em cha nongkyndong hei krehlang chirup wa ka District Child Protection Unit, Khliehriat wa ka Block Development Officer, Saipung Community and Rural Development Block da pynman ki ya ka Awareness Programme hajrong ka phang ‘Elimination of violence against women and children’ and ‘Child Protection with reference to POCSO and JJ Act’ ha ka 30 Khonchonglad 2018, ha yung hall ka Latyrke, Saipung East Jaiñtia Hills.
Kani ka pynsñiawthooh haap ko wa ka ‘White Ribbon Campaign’ wei da yoh ya ki kyntien waiphang na ka Major Elgiva Dora Shullai (Retired) yeiwa da pynbood da ki kyntien kular hajrong kani ka sngi.
Neiliang u Rev. HH Mohrmen, Minister, Unitarian Union Northeast India (UUNEI) hawa e i klam da pyntip u yei emkaam wow ujor (Complain) lada em ki kaam wa man pyrchah ya ki kynthai wa ki khynnah wei wow kiar wow chim ya ka aiñ ha kti yong ki hi.
Ka Dr. C Nongbri, Head of Dept of Education, NEHU da klam ko hajrong i kaamran kiwa chong chnong wow pyndooh jait ya ki kaam pyrchah ya ki kynthai wa ki khynnah wei wow pynchlur yei wow man salonsar chynrang wa kynthai.
U Teibor Kyndiah, District Child Protection Officer da e batai u hajrong ka aiñ Prevention of Children from Sexual offences (POCSO Act) and Juvenile Justice(JJ) Act.
Ha kani ka pynsñiawthooh da em ki waheh chnong, ki secretary chnong na ki chnong wa haap hapoh ka Saipung Block wa ki dkhot ka UUNEI.
Discussion about this post