Kam chibynta yong ka thong krehkaam “Reaching Out – Beyond The Call of Duty” ka 6th MLP Battalion da embynta ko ha ka Legal Awareness Programme on Police Public Relations ya kawa da pynman da ka District Legal Services Authority, Ri Bhoi District.
Ya kani ka pynsñiawthooh paidbah da pynman ynne ka sngi ha Dorbar Hall ka chnong Nongthymmai, Umsning.
Da wan chimbynta da ki 30 ngut ki kynthai na ki Self Help Group (SHG) na Nangsanbha Village Organisation ha kani ka Legal Awareness Progamme ya kawa da pynlai da ka Kerdalin Jana, President wa ka Phibalawan Makri, Secretary ka Village Organization.
Ki bru chemphang ha kani ka sngi toh u Franky Nongbet uwa man u muktiar kamjooh leh u dkhot ka DLSA uwa da klam hajrong ka F.I.R, Right of Arrested Persons, Right to Bail, Right to Legal Aid, katwa u Lakador Syiem, uwa man u Commandant 6th MLP Battalion da klam u hajrong ka Police Public Relations – Bridging the Gap.
Ya i pynsñiawthooh da pynkut da i paan yutip pynche hajrong ki phang wa da artatien kiwa chimbynta.
