Jowai: Ka VDP Tuber Kmaishnong deilang wa ki pulit ka East Jaiñtia Hills District, da pynman ki ya ka yalang pynsñiawthooh paidbah hajrong ka phang “The Roll and Function of VDP” lane ka rukom krehkaam yong ka VDP, wei ya kani ka yalang da pynman ha Community Hall Tuber Kmaishnong, ynne ka 16 tarik.
Ha kani ka yalang da yoh leh yei klam i batai na u Kmenlang Dkhar President, Pynshngain Phawa Secretary, na u Wanbha Phawa Assistant Waheh Shnong, na u G. Marshillong MPS, DSP, East Jaintia Hills District, u J. Dhar Inspector East Jaintia Hills District wa u CGR Rymbai uwa man kam u Officer In-Charge ka Ladrymbai Out Post.
Neiliang u Wanthmu Phawa (Adviser), da e sñiawbha u leh ya ki Torch Light cha ki 60 ngut ki dkhot ka VDP.
Kamtæ neiliang ki VDP ka Tuber Kmaishnong deilang wa kiwa chong chnong ka Tuber da pynsñiaw ki yei mynsien krehlang wa ki chnong wa para marjan kamjooh leh wa ki bor District neibynta wow pynneh ya ka chong suk chongsaiñ hapoh ka chnong ka thaw waroh kawi.
Discussion about this post