Sohra: Ynnin ka sngi da pynman ya ka Review Meeting hajrong i pynkhreh ya ka By-Election cha ka 26-Shella Assembly Constituency ha yung krehkaam Sub-Divisional Officer (El), Sohra Civil Sub-Division.
Ya kani ka yalang da pynlai da ka Matsiewdor War Nongbri, Deputy Commissioner and District Election Officer, East Khasi Hills District, heiwa da chimbynta da ki Zonal Magistrate, Sector Officer, ki heh na ka chnat pulit wa kiwi ki heh ka chnat Election.
Kiwi kiwa da em ha kani ka yalang toh u F. Kharshiing, DIG (CID), Shillong, ka Claudia Lyngwa, SP, East Khasi Hills District, u Himanshu Kumar Rai, General Observer, Rishabh Gupta, Expenditure Observer wa u L. Kynjing, Sub-Divisional Officer (El), Sohra Civil Sub-Division.
Ha kani ka yalang ka Matsiewdor War Nongbri da booddien ko yei pynkhreh neibynta kani ka Election heiwa da yaklam hajrong ki Remote Polling Station, i sonteri ya ki thaw thap Vote wa kiwi kiwi.
Neiliang ka Claudia Lyngwa, da batai ko ya ki kaam wa yatoh wa ki puit wa i sonteri ki pulit wow pyntikna wa kani ka Election u man ko kawa lai bait.
Discussion about this post