Ka Seminar wa 3 sngi wow ya phyllu yumut hajrong ka Retrofitting Existing Dwelling and Safe Construction namo wow chna pynkhlan pynbha ya ki yung warim deilang wa i rukom chna wa biang da wai ya ka ynnin ka sngi da ka R. Lyngdoh, Commissioner and Secretary, Department of Revenue and Disaster Management.
Ya kani kani ka Seminar da pynman ha Shillong Club, Shillong wei da pynman ya ka da ka State Disaster Management Authority (SDMA), Meghalaya deiwa ya krehlang waka National Institute of Disaster Management (NIDM) waka Ministry of Home Affairs ka sorkar India.
Hawa e yei klam kam ka kongsan, ka R. Lyngdoh da pynkynmoo ko yei maa wa yang ya ka Meghalaya neidaw wa em ko ha i thaw wa joor u khmi kawa tip kam ka Zone 5 Seismic Zone. Da sñiawkhia ko leh yei roi i paar wa khlem da pyrkhat jngai deiwa mih ki yung wa boon mala ha kylleiñ ka jylla wei kam kini ki yung ye ki wow oor u haap lada joor u khmi.
Da pyntip ko wa neiliang ka SDMA da pynman ko ya kiwa boon ki pynsñiawthooh paidbah yow pynduna yei maa wei da sdang wow booh da ki Volunteer hapoh ka Aapda Mitra Scheme wei ha ka 2nd Phase kani daw kynthup ya ki 5 tylli ki District ka jylla wa kynthup ya ka East Khasi Hill, West Khasi Hills, Ri Bhoi, West wa East Garo Hills District.
Da klam ko leh chaphang i man chngaaiñ ki yung krehkaam nadooh ki Hospital deiwa ban joor wa emkaam wow pait biang ya kini ki thaw wei wow chna pynkhlan ya ki yow ye u yada katwa ye.
Kiwi de kiwa klam toh u Prof. Chandan Ghosh, NIDM wa u Prof. Devesh Walia, NEHU.
Ynne ka sngi da wan chibynta ha kani ka Seminar da u Montri ka chnat Revenue & Disaster Management, u Kyrmen Shylla uwa da yaklam wa kiwa da chimbynta ha kani ka Seminar.
