U Lat ka jylla Meghalaya, u Satya Pal Malik ynne ka sngi da wai u ya ka Seminar wa chisngi hajrong ka phang ‘Online Teaching, Challenges and Opportunities” deiwa emlang u Prabha Shankar Sukhla, Vice Chancellor, NEHU uwa da embynta kam u symbood kongsan.
Kamwa 20 ngut kiwa sikai skur na ki skur wa em ha Shillong da chimbynta ki ha kani ka Seminar wa pynman da ka Society for Empowerment Education and Development (SEED), ka Nonprofit Organization kawa da kreh neibynta ka imlang sahlang, ka puræ puthi wa kiwa dooh wa duk ki wym yoh u lai puræ deiwa e yarap wow lai skur wei wow lai e sikai ya ki.
Ya kani Seminar da pynman ha Durbar Hall, Raj Bavan, Shillong.
Hawa e yei klam, u Lat da ong u wa ka khlam da wanrah ko ya chiboon i eh i khoo ha ka puræ puthi ha waroh kawi ka ri. Wei ka e sikai Online da wanrah ko leh i yong ka hi i eh neibynta ki khynnah kamjooh kiwa sikai iwa da ktah yei stat i tip ki khynnah.
Da ong u leh wa iwa eh hawa e sikai Online toh wym biang wei ym tip bha ya ki laad e sikai katkam ka juk wa katni namo Digital Method of Teaching iwa da wanrah yei eh bha hawa e sikai deiwa ban joor yeiwa emkaam wow pynman ya kam kani ka Seminar yow ch’bæh diñ hajrong ini waroh yow pyndooh yeiwa eh wei wow chim kabu ya kani ka rukom e sikai Online.
Neiliang u Prabha Shankar Sukhla hei klam yong oo da ong u wa hadien ka khlam, i rukom myllien im thymme ‘New Normal’ toh deiwa pynemkaam ya ka Internet kam ka laad e sikai wei kani ka rukom e sikai toh kawa daw neh kattu. Hawa khana yei myntoi wa i dooh myntoi naka e sikai Online, da ong u wa kamwa man katni, hap pynemkaam lang ya ka Online wa i e sikai ha ki skur neibhah wym ye u ong deiwa tikna mynnu u kut kani ka khlam.
Ki bru chemphang kiwa da klam ha kani ka Seminar toh u Prof. Santa Ram Joshi, (HOD) Biotechnology, NEHU wa u Prof. Subhas Chandra Roy, (HOD, Education, NEIRE).
