Kam chibynta ka “India@75: Azaadi ka Amrit Mahotsav”, ka yung krehkaam u Superintending Engineer PWD (Roads), Eastern Shillong Circle ynne ka sngi da pynman ko da ka District Rural Road Seminar hajrong ka phang “Role of PMGSY in development of respective rural areas” namo i bynta ka PMGSY hei wow wanrah ya ki kaam pynroi ha jar jiar ki thaw palatsor kawa da pynman ha Conference hall, PWD Secretariat, Shillong.
Ha kani ka sngi u Gavin M Mylliem, Sohra MLA da wan u kam u kongsan deiwa emlang u L. Kynjing, SDO (Civil), Sohra Civil Sub-Division kam u symbood kongsan.
Ha kani ka Seminar da chimbynta leh da ki Programme Implementation Unit, PMGSY na kiwa boon ki Block wa em hapoh ka East Khasi Hills District wa ki PWD Contractor kiwa napoh ka District.
Hawa e yei klam, u Gavin M Mylliem da pynsñiaw u yei kmen wow yoh u ya embynta lang ha kani ka lehkmen ka ri waroh kawi ka Azaadi ka Amrit Mahotsav, kawa da leh da ka sorkar pyrdi kam chibynta ka lyngkhooh snem wa 75 nadooh wa yoh laitlooid ka India. Da ong u leh wa kani ka lehkmen toh hajrong ka yurim ki 5 tylli ki chrot nadooh i yaleh wow yoh laitlooid, ki buit wa thymme yow pynlai ya ka ri chakhmat, ki moomær kiwa da poi, ki luti wa da lai wa ki rai yong kiwa chong chnong ka ri.
Hawa klam hajrong ki District Rural Road Sector, u Mylliem da ong u waka PMGSY da man ko i kyrkhu ya ki chnong wa em cha nongkyndong ka District. Ki sarok wa chna hapoh ka PMGSY da yoo ya chiboon ku ki iwa da yarap wow pynyabi kawi ka chnong ya kawi, najrong wa da yarap ki wow pynyoh yei sumaar sukhær, ka puræ puthi wa kamjooh u pynku ya ka rep ka riang wa ki kaam uiñke suwari iwa da wanrah kylla yei yoh nong ki bru kiwa em cha nongkyndong.
Kiwi de kiwa klam toh u L. Kynjing, SDO (Civil), Sohra Civil Sub-Division, u S. Kyndiah, SE & DPC, PMGSY, East Khasi Hills District, u P. Hynniewta, DPIU, PMGSY, East Khasi Hills District wa kiwi de.
