Shillong: Ynne ka sngi da pynman ya ka ka Seminar wa chisngi hajrong ka phang Empowering Women Through Entrepreneurship, wei ya kani ka Seminar da pynman ha North Eastern Council, Shillong.
Ya kani ka Seminar da pynman da ka National Commission for Women chirrup wa ka Meghalaya State Commission for Women wei da emlang leh ka Chairperson wa ki dkhot ka National Commission for Women (NCW), na kiwi ki State Commission ka thaaiñ mihsngi wa kiwi kiwi.
Ka Chairperson yong ka NCW, ka Rekha Sharma da ong ko wa ki kynthai ha ka thaaiñ man ki kiwa embynta bha ha ka khayi pateiñ, tangwa dang chah kyntait hi ki ha ka yoh pateiñ katwa kamtæ emkaam bha wow ebor ya ki wow man ki ym du kam kiwa e khih tangwa wot kam kiwa e khih.
Da kyntu ko ya ki kynthai wow man kiwa minot wa kiwa kreh chitom hei khih i kreh yong ki deiwa ebuit leh ya ki wow pynemkaam ya ki stat ka juk katni kam ki Social Media wa e-commerce.
Kiwi kiwa klam ha kani ka sngi toh ka Soso Shaiza, Member NCW kawa da klam hajrong i eh i khoo wa chem ki kynthai wa ki luti kiwa ye ki wow yoh yarap.
Da yoh leh yei klam na ka Tanushree Hazarika, ka Leena Saikia, ka Lakshmi Baruah, ka Janessaline M Pyngrope wa ka Queency Thangkhiew.
Ha kani ka sngi da yoh ya ki kyntien pdiang burom na ka Theilin Phanbuh, Chairperson yong ka Meghalaya State Commission for Women.
Discussion about this post