Shillong: Ka Sensitization Workshop on Cluster Development neibynta ka jylla Meghalaya wa pynman da ka Indian Institute of Entrepreneurship (IIE) hapoh yong ka Ministry of Skill Development & Entrepreneurship, Govt of India da pynman ya ka ynne ha Conference Hall, Raitong Building, Shillong.
U kongsan ha kani ka sngi u Commissioner & Secretary, Commerce & Industries, Meghalaya, u MR Synrem da pyntip u wa kam kani ka workshop da pynman ha kylleiñ ka jylla deiwa pynrap wa lada wanrah lang ya kiwa seiñ kreh wa khian chirup toh iwa emkaan tam ha kani ka kynti. Da kyrmen u wa kani ka workshop daw yarap ko ha kiwa boon ki bynta.
Chwa ini da yoh ya ki kyntien pdiang burom na ka Dr. Sriparna B Baruah, Head, Centre for Industrial Extension (CIE), IIE kawa da pntip wa ya ka IIE da sdang nadooh u snem 1993 ha Guwahati hapoh ka Ministry of Industry (kawa tip katni kam ka Ministry of Micro, Small and Medium Enterprises), Government of India toh ka chnat wa pait wei wow yarap ya kiwa sdang wow seiñ khih.
Kiwi kiwa da klam ha kani ka sngi toh u Dr. Sailendra Chaudhuri, Managing Director, NERCORMP, Director, Commerce & Industries, GoM, u J L Mawlong, Sr Project Officer, IIE.
Ha ka bynta wow hikai namo ka Technical Session da pynche yeiwa chem wa ka luti wa lai ka IIE hajrong ka Cluster Development ha ka thaaiñ mihsngi NER, wa kiwi kiwi. Kini ki cluster wa da tipmit kynthup ki ya ka Sohryngkham Tailoring Cluster, Jowai, Cane & Bamboo Cluster, Chokpot, Food Processing Cluster, Nongpoh wa ka Handloom Cluster, Zikzak & Betasing.
Discussion about this post