• About Us
  • Contact Us
  • Privacy Policy
  • Advertise With Us
  • Terms & Conditions
Friday, May 30, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home Uncategorized

Da pynman ya ka SHG Mela ha Amlarem

Wyrta Staff by Wyrta Staff
November 22, 2021
Reading Time: 8 mins read
A A
0
Share on FacebookShare on Twitter

Ka District Mission Management Unit, West Jaiñtia Hills deiwa ya krehlang wa ka yung krehkaam u Block Development Officer, Amlarem C&RD Block da pynman ki ya ka Self-Help Group Mela (SHG) cum Health Camp neibynta ki dkhot ka SHG ha Amlarem C&RD Block ha madan Enowel Hall, Amlarem ynne ka sngi. 

Kani ka Mela da man ko leh kam chibynta i lehkmen dap 50 snem ka jylla iwa daw lehkmen ha ka 21 Duyatra (Jan), 2022. 

Ya kani ka SHG Mela da wan wow wai da u Montri ki kaam poh yung, u Lahkmen Rymbui. 

Hawa wai ya ka Mela, u Montri da ong u wa lyngba ini, ka sorkar da booh thong ko wow pynkupbor ya ki kynthai yow ye ki wow yieñ hei kjat yong ki hi yow man ki kiwa skem. Da pynchlur u ya kiwi leh wow sdang chooh chooh ki SHG yow kynrong yei rukom im ki kynthai ha ki chnong ki thaw. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da pyntip u leh wa ka sorkar lyngba ka FOCUS da yarap poisa ko ya ki warep yow pynboon ki yeiwa ye ki u pynmih.

Da klam u leh chaphang i roi i paar hapoh ka Meghalaya ha ki 50 snem i yoh jylla khamtam hapoh ka Amlarem Sub-Division. Da kdaw u leh ya kiwa boon ki kaam wa da leh ka sorkar kam hei sumaar sukhær, ki luti ki syngkieñ wa ka puræ puthi.

Da khana u wa chwa wow yoh ya ka jylla Meghalaya, da em ko du kawi ka Dispensary ha Nongtalang kawa katni da pynku kyrdan cha ka Community Health Centre (CHC) wei ha kini ki 50 snem hapoh ka Sub-Division da sdang boon ki Health Centre kawi ha Dawki, Jarain, Pdengshakap wa kawi ka Dispensary ha Padu wa ki Sub-Centre awjan ha waroh ki thaw.

Da ong u leh wa awjan waroh ki chnong hapoh ka Sub-Division da yoh sarok ki lait noh ka Kamsing waka Kongwang.

Da em leh ar tylli ki Government Higher Secondary School. Ar tylli ki Upper Primary School kiwa da pynku kyrdan cha ka RMSA ha Trangblang, Skhenpyrsit. Ya ka Nongtalang College da tipmit pura da ka UGC wei da yoh ko leh ya ka kyrdan Grade B da ka NAAC kawa man kawa nyngkong dooh hapoh West Jaiñtia Hills District kawa da kyrchaan pura da ka sorkar nadooh ka 1 Naikhynde, 2021.

Da ban joor u leh yei emkaam wow chim yei tika deiwa kyntu leh ya ki kynthai wa punkhon wow phah lai pait dei langær yei chait i khiah yong ki. Da pynkynmoo u leh yei emkaaam wow man kiwa lehkhooid.

Hachwa ini, u Dr. D. Lyngdoh, Block Development Officer ka Amlarem C&RD Block ha ki kyntien pdiang sñiawbha da khan u wa em 460 tylli ki SHG hapoh ka Amlarem Sub-Division.

Kiwi de kiwa klam toh u Garod LSN Dykes, Deputy Commissioner, West Jaiñtia Hills, u Abhilash Baranwal, Sub-Divisional Officer, Amlarem Sub-Division wa u R. Kynta, COO-Programme MSRLS.

Da saam leh ya ki Certificate cha ki chnong wa em 100% ki SHG wa cha ki SHG/VO kiwa em 90-100% kiwa da dep yoh tika. 

ShareTweetSendShare
Previous Post

Ki Party ka Meghalaya i rukom pyrkhat kam ki seiñ ri-loom wa lai khrong poisa cha Delhi: Chuba Ao

Next Post

Jubab u Conrad yei chah pynbaad lai khrong ha u Ao

Next Post

Jubab u Conrad yei chah pynbaad lai khrong ha u Ao

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar