Shillong: Ka Workshop wa chi sngi hajrong ka Enterprise Architecture neibynta ki sahep sorkar da pynman ya ka ynne ha Yojana Bhavan Shillong. Ya kani ka workshop da pynman da ka NIC hei yakrehlang wa ka Department of IT heiwa u montri rangbah ka jylla, u Conrad Sangma da man u kam u kongsan hei emlang u Hamlet Dohling, montri ka chnat IT kam u symbood kongsan.
U Conrad hawa e yei klam da ong u wa ka Technology da pynsuk bha ko ya ki bru ha kiwa boon ki liang nadooh i pynkrehkaam ya ki wei wow booddien ya ki scheme hapoh ka jylla.
Da e khublei u leh ya u montri ka sorkar pyrdi wa pait ya ka chnat IT, u Ravi Shankar Prasad, uwa da e ya ka Pilot Project on Enterprise Architecture cha ka jylla Meghalaya, kawa man kawa nyngkong wow yoh ya ka ha ka thaaiñ wei kawa ar ha ka ri waroh kawi hadien ka Andhra Pradesh. Da ong u wa wa ka Enterprise Architecture daw yarap bha ko wow wanrah ya ki kaam pynroi lyngba ka e-platform.
U Hamlet Dohling, da ong u wa ha kani ka juk wa katni ka IT man ko kam u budloom wow pynsuk ya ki paidbah.
U D.C Misra, DDG and Head of Group, Enterprise Architecture Resource Division, NIC New Delhi da ong u wa ka thong yong kani ka Enterprise Architecture toh wow e chakri ya ki paidbah lyngba kawi donhi ka Portal.
Discussion about this post