Shillong: Ynne ka sngi u lat ka jylla u Ganga Prasad da kaweh u ya ka lama wow sdang ka phet pyllah kawa tip leh kam ka “Martyr’s Run for Peace” kawa da pynman da ka District Administration ha Chandmari Playground, West Garo Hills, Tura.
Kani ka yaphet pyllah toh ka dak wow kynmoo warom ya ka lyngkhooh sngi yap wa 69 u Mahatma Gandhi.
Ya kani ka yaphet da sdang na madan Chandmari Playground wei da pynkut ya ka ha Dikki Bandi Stadium, Dakopgre iwa jngai hadooh kamwa 7 Km heiwa da sakhi yei wan chimbynta da ki spah ngut ki waheh kamjooh leh ki khynnah.
Chwa wow sdang ka yaphet, u Lat ka Jylla da booh syntu u kam ka dak wow kynmoo warom ya u Gandhi heiwa da pynkynmoo u ya waroh wa i yakhih wa jai-jai u Gandhi wa da yoh ka ri yei laitlooid wa pura.
Da kyntu u leh ya ki paidbah ka jylla wow man ki kiwa yaleh u wanrah yei chongsuk hapoh Meghalaya wei wow kreh neibynta i roi i paar hapoh ka jylla wa ka ri hi waroh kawi.
Discussion about this post