Kam chibynta wow lehwarom ya ka Commemoration Day nadooh ka 21 hadooh 31 tarik uni u bnai da pynman ya ka Run For Unity namo i yakob phet wow wanrah yei yatylli.
Ya kani ka yakob da pynman da ka Office of Commandant 6th MLP BN Umran ynne i step nadooh 8:00 i step na Battalion Headquarter Umran hadooh ha Dewsaw wei da uiñ biang chadien ha ka luti wa 10 km.
Ha kani ka yakob da em 80 ngut kiwa chimbynta kiwa kyntup ya 15 ngut ki bru paidbah na ki VDP ki chnong wa u Rangbah Shnong ka Umran Niangbyrnai.
Kani ka Commemoration Day toh ka sngi wow kynmoo warom ya ki pulit wa dooh yei mynsien hapyrdi wa kreh ki.
