Ka yalang hajrong ka phang wa ktah manda boon i wan kiwa uiñke suwari wei yow pynman ya ka khih kiwa em ha ini i kaam kawa ye u neh wow im (Sustainable Tourism), da pynman da ka Meghalaya Sustainable Development Council (MSDC) ha Dorbar Hall ka chnong Mawsmai, kawa em hapoh ka Sohra Civil Sub-Division ha ka 10 tarik uni u bnai.
Ha kani ka yalang da wan wow embynta lang da u T. Dkhar MDC, u Hector Marwein IAS (Retd.), Chairman, MSDC, u Ravi Kant, IAS, ka Isawanda Laloo, Deputy Commissioner, East Khasi Hills District, u SDO Civil, BDO wa kiwi ki sahep na kiwa boon ki chnat sorkar wa em hapoh ka Sohra Civil Sub-Division, ki tre Hotel, ki waheh chnong, ki sordar wa kiwa emkti ha ki kaam uiñke suwari hapoh ka Sub-Division.
I thong kani ka yalang toh wow yaklam hajrong i ktah ya ka rymaw manda boon kiwa uiñke suwari wei kammon wow pynneh pynsah yei miat ka Sohra.
Neiliang u Ravi Kant, IAS da pynyoo wei da klam u hajrong i pynlang jhep wei kamjooh kammon wow pynman ki cha ka spah.
Da em leh i ya phyllu yumut hapyrdi waroh kiwa em ha ini i kaam hajrong i ktah i uiñke suwari.
